ຄົ້ນພົບວ່າພວກເຮົາຮວບຮວມຮູບພາບ 360 ຕອນໃດ, ຢູ່ໃສ ແລະ ແນວໃດ
ພົບກັບກອງກຳລັງສະຕຣີດວິວທີ່ມີສີສັນຂອງ Google ແລະ ສຶກສາວິທີທີ່ພວກເຮົາຮວບຮວມຮູບພາບ 360 ເພື່ອຂັບເຄື່ອນແຜນທີ່ໂລກ.
ທີ່ມາຂອງຮູບ
ຮູບສະຕຣີດວິວມາຈາກສອງແຫຼ່ງຂໍ້ມູນຄື: Google ແລະ ຜູ້ປະກອບສ່ວນຂອງພວກເຮົາ.
ເນື້ອຫາທີ່ Google ເປັນເຈົ້າຂອງຈະລົງຊື່ “Street View” ຫຼື “Google Maps” ໄວ້. ພວກເຮົາຈະມົວໃບໜ້າ ແລະ ປ້າຍທະບຽນລົດໃນຮູບພາບຂອງພວກເຮົາໂດຍອັດຕະໂນມັດ.
ເນື້ອຫາທີ່ຜູ້ໃຊ້ປະກອບສ່ວນມານັ້ນມີຊື່ບັນຊີທີ່ຄລິກໄດ້ ຫຼື ແຕະໃສ່ໄດ້ ແລະ ໃນບາງກໍລະນີກໍມີຮູບໂປຣໄຟລ໌ນຳ.
ພວກເຮົາຈະໄປສ້າງແຜນທີ່ຢູ່ບ່ອນໃດໃນເດືອນນີ້
ພວກເຮົາຂັບລົດ ແລະ ເດີນທາງໄປທົ່ວໂລກເພື່ອນຳສະເໜີຮູບພາບທີ່ຈະຊ່ວຍເພີ່ມປະສົບການຂອງທ່ານ ແລະ ຊ່ວຍໃຫ້ທ່ານຄົ້ນພົບໂລກອ້ອມຕົວທ່ານ. ຫາກທ່ານຕ້ອງການທັກທາຍທີມຂອງພວກເຮົາ, ກະລຸນາກວດສອບຂໍ້ມູນທາງລຸ່ມເພື່ອເບິ່ງວ່າເຂົາເຈົ້າຈະໄປສະຖານທີ່ໃກ້ທ່ານຕອນໃດ.
| ວັນທີ | ເຂດ |
|---|
| ວັນທີ | ເຂດ |
|---|
ເນື່ອງຈາກປັດໄຈທີ່ນອກເໜືອໄປຈາກການຄວບຄຸມຂອງພວກເຮົາ (ດິນຟ້າອາກາດ, ການປິດເສັ້ນທາງ ແລະ ອື່ນໆ), ມັນເປັນໄປໄດ້ສະເໝີໄປວ່າລົດຂອງພວກເຮົາອາດຈະບໍ່ໄດ້ປະຕິບັດໜ້າວຽກ ຫຼື ອາດເກີດການປ່ຽນແປງເລັກນ້ອຍ. ກະລຸນາຮັບຊາບວ່າ ລາຍຊື່ດັ່ງກ່າວລະບຸສະເພາະບາງເມືອງນັ້ນ ອາດຮວມມີເມືອງທີ່ນ້ອຍກວ່າທີ່ສາມາດຂັບລົດໄປຮອດນຳໄດ້.
ກອງກຳລັງທີ່ກະກຽມເພື່ອເປີດເຜີຍສິ່ງມະຫັດສະຈັນຂອງໂລກ
ພວກເຮົາໄດ້ໄປສຸດຍອດແຫ່ງສະຖານທີ່ຕ່າງໆໃນທັງເຈັດທະວີບ ແລະ ຈະມີມາອີກ. ກ່ອນທີ່ພວກເຮົາຈະອອກເດີນທາງ, ພວກເຮົາພິຈາລະນາຫຼາຍປັດໄຈ ຮວມທັງພູມປະເທດ, ສະພາບພູມອາກາດ ແລະ ຄວາມໜາແໜ້ນຂອງປະຊາກອນເພື່ອຈັດກຽມອຸປະກອນທີ່ເໝາະສົມ ແລະ ຮວບຮວມຮູບພາບທີ່ດີທີ່ສຸດ.
ລົດສະຕຣີດວິວ
Trekker
ນຳແຜນທີ່ໄປສູ່ຊີວິດ
ຫຼັງຈາກທີ່ພວກເຮົາຮວບຮວມຮູບພາບແລ້ວໆ, ມັນກໍຮອດເວລາທີ່ຈະນຳເອົາພວກມັນທັງໝົດໄປສູ່ໜ້າຈໍຂອງທ່ານ. ນີ້ແມ່ນພາບຮວມຂອງສິ່ງທີ່ທີມຂອງພວກເຮົາກຳລັງເຮັດຢູ່ຫຼັງເວທີ.
-
ການເກັບກຳຮູບພາບ
ທຳອິດພວກເຮົາຕ້ອງຂັບລົດອອກໄປແລ້ວຖ່າຍຮູບສະຖານທີ່ທີ່ຈະນຳມາສະແດງໃນສະຕຣີດວິວເສຍກ່ອນ. ພວກເຮົາເອົາໃຈໃສ່ໃນຫຼາຍໆປັດໄຈ, ຮວມເຖິງສະພາບອາກາດ ແລະ ຄວາມໜາແໜ້ນຂອງປະຊາກອນໃນພື້ນທີ່ຕ່າງໆເພື່ອປະເມີນວ່າຕອນໃດ ແລະ ບ່ອນໃດທີ່ສາມາດບັນທຶກຮູບພາບທີ່ດີທີ່ສຸດເທົ່າທີ່ເປັນໄປໄດ້.
-
ຮູບພາບລວງຍາວ
ເພື່ອເຂົ້າກັບແຕ່ລະພາບກັບພູມສັນຖານຢູ່ແຜນທີ່, ພວກເຮົາປະສົມສັນຍານຈາກເຊັນເຊີເທິງລົດທີ່ວັດແທກ GPS, ຄວາມໄວ ແລະ ເສັ້ນທາງ. ຂັ້ນຕອນນີ້ຊ່ວຍໃຫ້ພວກເຮົາສ້າງເສັ້ນທາງທີ່ແນ່ນອນຂອງລົດຂຶ້ນມາໃໝ່ໄດ້ ແລະ ຮວມທັງການອຽງ ຫຼື ຈັດວາງຮູບພາບໄດ້ຕາມຕ້ອງການນຳ.
-
ປ່ຽນຮູບພາບໃຫ້ເປັນຮູບ 360
ເພື່ອຫຼີກເວັ້ນຊ່ອງຫວ່າງຢູ່ໃນຮູບພາບ 360, ກ້ອງຖ່າຍຮູບທີ່ວາງຕິດໆກັນຈະຖ່າຍຮູບພາບທີ່ທັບຊ້ອນກັນເລັກນ້ອຍ ແລະ ຫຼັງຈາກນັ້ນພວກເຮົາກໍຈະ 'ຕິດ' ຮູບພາບຮ່ວມກັນເຂົ້າໄປໃນຮູບ 360 ອົງສາຮູບດຽວ. ຫຼັງຈາກນັ້ນພວກເຮົາກໍນໍາໃຊ້ອະກໍລິທຶມການປະມວນຜົນຮູບພາບແບບພິເສດເພື່ອຫຼຸດຮອຍຕໍ່ ແລະ ສ້າງຄວາມຮຽບນຽນ.
-
ສະແດງຮູບພາບທີ່ຖືກຕ້ອງໃຫ້ກັບທ່ານ
ເລເຊີຂອງລົດສະທ້ອນພື້ນຜິວໄດ້ໄວເທົ່າໃດຈະບອກພວກເຮົາວ່າອາຄານ ຫຼື ວັດຖຸໃດໜຶ່ງຢູ່ໄກປານໃດ ແລະ ຊ່ວຍໃຫ້ພວກເຮົາສ້າງແບບຈຳລອງ 3 ມິຕິຂອງໂລກໄດ້. ເມື່ອທ່ານຍ້າຍໄປພື້ນທີ່ໃດໜຶ່ງໃນໄລຍະໄກໃນສະຕຣີດວິວ, ແບບຈຳລອງນີ້ຈະກຳນົດຮູບແພນໂນຣາມາທີ່ດີທີ່ສຸດໃຫ້ທ່ານເຫັນສຳລັບສະຖານທີ່ນັ້ນ.